४ वैशाख, काठमाडौं ।काठमाडौंबाट लुक्लाका लागी उडेको समिट एयरको जहाज दुर्घटनाबाट जोगिएको छ ।आइतबार बिहान ११ बजेर ४७ मिनेटमा एसएमए ४०७ उडान नम्बरको जहाज लुक्ला उडेको थियो । एउटा इन्जिन फेल भएपछि पुनः काठमाडौंमै फर्काएर सुरक्षित अवतरण गरिएको हो ।
उडानकै क्रममा जहाजको बायाँतर्फको इन्जिन फेल भएपछि जहाज काठमाडौं डाइभर्ट गरिएको थियो । १५ यात्रु र तीन चालक दलका सदस्य सवार जहाजलाई काठमाडौंमा आपतकालीन अवतरण गराइएको विमानस्थल स्रोतले जनाएको छ ।
सो क्रममा विमानस्थल करिब १० मिनेट बन्द गरिएको बताईएको छ । विमानस्थल स्रोतका अनुसार विमानमा सवार सबै यात्रु र चालक दलका सदस्यहरु सुरक्षित रहेका छन् ।
प्रकाशित मिति: ४ बैशाख २०७९, आइतबार
प्रतिक्रिया