कैलाली । डडेल्धुराको आलीताल गाउँपालिकाका कम्युटर अपरेटर लोकेन्द्र भण्डारीलाई कुटपिट गरेर कार लुट्ने तीन जना भारतीय नागरिकलाई प्रहरीले पक्राउ गरेको छ ।
उनीहरुलाई कैलालीको गोदावरी नगरपालिका–१ स्थित जंगल क्षेत्रबाट पक्राउ गरिएको जिल्ला प्रहरी कार्यालयका प्रवक्ता डीएसपी वेदप्रकाश जोशीले ग्लोबल नागरिकलाई बताए ।
डिएसपी जोशीका अनुसार पक्राउ पर्नेमा भारतको हरियाणा सोनीपथ घर भएका १८ वर्षीय साहिल बादलिसे, २१ वर्षीय भगत सिंह र २० वर्षीय सन्नी जोट रहेका छन् । उनीहरुलाई नियन्त्रणमा लिएर घटनाबारे थप अनुसन्धान सुरु गरिएको जोशीले बताए।
लोकेन्द्र सवार प्रदेश–३–०१०२३ च ८७२१ नम्बरको कार उनीहरुले नियन्त्रणमा लिएका थिए । उक्त कार गोदावरी नगरपालिका–१ स्थित शान्तिनगर जाने भित्री सडकखण्डमा वेवारिसे अवस्थामा फेला परेको छ ।
प्रकाशित मिति: १३ असार २०७९, सोमबार
प्रतिक्रिया