काठमाडौं । भर्खरै कोटेश्वरमा ठुलो सवारी दुर्घटना भएको छ। जडिबुटी बाट सातदोबाटो तर्फ जाँदैगरेको माइक्रोबस (हाइस) कोटेश्वर भाटभटेनी अगाडी दुर्घटना भएको हो ।
हाइसको ठक्करबाट एकजनाको मृत्यु भएको छ । मृत्यु हुनेमा ५२ वर्षका पैदलयात्री देवकुमार सेन रहेका छन् । उनको उपचारका क्रममा बी एण्ड बी अस्पतालमा मृत्यु भएको प्रहरीले जनाएको छ ।
जडिबुटीबाट सातदोबाटोतर्फ गइरहेको बा २ ख १२२१ नम्बरको हाइसले उनलाई ठक्कर दिएको हो ।
ओभर स्पिडमा रहेको हाइस ०० ख ०२९५ नम्बरको ट्रकसँग ठोक्किएको थियो । हाइस क्षतिग्रस्त भएको छ ।
चालक फरार रहेको प्रहरीले जनाएको छ । घाइते सह चालकको सिभिल अस्पतालमा उपचार भइरहेको छ ।
प्रकाशित मिति: १३ असार २०७९, सोमबार
प्रतिक्रिया