कुहिने फोहोरबाट मल बनाएर मलको हाहाकार कम गर्ने बालेन्द्र साहको तयारी

काठमाडौं । काठमाडौं महानगरका मेयर बालेन्द्र साहले काठमाडौंमा उत्पादन हुने कुहिने फोहोरलाई मल बनाएर मलको हाहाकारलाई केही कम सकिने बताएका छन्। यसका लागि महानगर पनि क्रियाशील रहेको उल्लेख गरेका छन्।

आज असार १५ र राष्ट्रिय धान दिवसको शुभकामना दिँदै साहले जैविक फोहोरबाट मल बनाउने महानगरको सफलता र असफलताले देशभर नै उल्लेख्य फरक पार्नेमा आफू सचेत रहेको बताए।

मेयर शाह भन्छन्, “काठमाडौंमा बस्ती बस्नु, सम्पदाको सहर वा राजधानी बन्नुमा यहाँको उर्बरता र उब्जनीको ठुलो भूमिका छ । उर्बर माटोलाई खेती गर्न योग्य बनाउन माटोमा रगत र पसिना बगाउने किसानहरूको विशेष भुमिका छ । हो, अहिले हाम्रा प्राथमिकताहरू झाँगिदै जाँदा यहाँका किसानहरूका मुद्दा कमजोर हुँदै गएका होलान् वा कृषि नै सीमान्तकृत हुँदै गएको होला । तर, हामीलाई जे र जसले यहाँ ल्याइपुर्‍यायौ, उसैलाई बिर्सने भन्ने हुँदैन ।”

प्रकाशित मिति: १५ असार २०७९, बुधबार