काठमाडौं । चिनियाँ कम्युनिस्ट पार्टीका विदेश विभाग प्रमुख लिउ जियानचाओ नेतृत्वको टोली आज आइतबार नेपाल आइपुगेका छन् । बिदेश बिभाग प्रमुख लिउ नेतृत्वको टोली चार दिन नेपालमा रहने जनाइएको छ । उनी आठ सदस्यीय टोलीको नेतृत्व गर्दै नेपाल आएका हुन्।
भ्रमणको क्रममा बिदेश बिभाग प्रमुख लिउले राष्ट्रपति विद्यादेवी भण्डारी, प्रधानमन्त्री शेरबहादुर देउवा, एमाले अध्यक्ष केपी शर्मा ओली, सत्तारुढ दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ लगायत नेतासँग भेटवार्ता गर्ने कार्यतालिका रहेको छ।
नेपालले अमेरिकी सहयोग परियोजना एमसिसी सम्झौता पारित गरेपछि चीनबाट दोस्रो उच्च तहको भ्रमण भएको हो। यसअघि गत चैतमा चिनियाँ विदेशमन्त्री वाङ यीले नेपालको तीन दिने भ्रमण गरेका थिए।
प्रकाशित मिति: २६ असार २०७९, आइतबार
प्रतिक्रिया