काठमाडौं । राष्ट्रिय लोकदोहोरी गीत प्रतिष्ठानका कार्यसमिति पदाधिकारी समेत रहेका शिव हमालको रचना तथा आशिष अविरलको संगीत र सुशीला पाठकको स्वर रहेको ‘पापाकी परी’ बोलको यो गीतका केही शब्द र पेटिकोटका दृश्य अपाच्य रहेको भन्दै सामाजिक सञ्जालमा चर्को आलोचना भइरहेको छ ।
हमाल राष्ट्रिय लोकदोहोरी गीत प्रतिष्ठानका कार्यसमिति पदाधिकारी र विकृति विसंगति न्यूनीकरण संयोजक समेत हुन् । गत महिना विज्ञप्ति जारी गर्दै उनी आफैंले अपाच्य र अभद्र गीत रिलिज गरे कारवाही गर्ने चेतावनी समेत दिएका थिए ।
तर उनकै शब्द रचना रहेको तीज गीतको म्युजिक भिडियो यतिबेला विवादित बनेको छ । गीत हटाउन चौतर्फी दबाब परेपछि ग्लोबल नागरिकसंग हमालले, ‘यस्तो गीत बनाएकोमा आफू लज्जित रहेको भन्दै आत्मालोचना गरेका छन् । ‘यस्तो गीत लेखेकोप्रति म लज्जित छु । हामी आत्मालोचनासहित हटाउँछौं,’
यो गीत मंगलबार युट्युबमा रिलिज भएको थियो । गीतमा मोडल करिश्मा ढकालले पेटिकोट लगाएर नृत्य गरेकी छन्।
प्रकाशित मिति: १९ श्रावण २०७९, बिहिबार
प्रतिक्रिया