काठमाडौं । काठमाडौंको कागेश्वरी मनोहरा नगरपालिका–८ गोठाटारमा सोमबार ५५ वर्षीय लाल मोहम्मद भन्ने मोहमम्द दर्जीलाई गोली हान्नेहरु ३ दिनदेखि नजिकैको होटलमा बसेको पाइएको छ ।
घटनाको अनुसन्धानमा खटिएको प्रहरी श्रोतका अनुसार घटनास्थलबाट चार सय मिटर अगाडिको कोशीपारि गेष्ट हाउसमा बसेको पाइएको हो ।
जोरपाटीबाट कपडा प्याक गर्ने प्लाष्टिक लिएर फर्केका उनिमाथि बा.६ च ५१५२ नम्बरको गाडीबाट ओर्लिनासाथ गोली प्रहार भएको थियो । गोलि लागेर गम्भीर घाइते भएको उनको उपचारको क्रममा त्रिवि शिक्षण अस्पतालमा मृत्यु भईसकेको छ।
प्रकाशित मिति: ४ आश्विन २०७९, मंगलबार
प्रतिक्रिया