चितवन । नेपाली कांग्रेसका नेता एवं पूर्व सांसद जगन्नाथ पौडेलले चितवन क्षेत्र नं. ३ बाट स्वतन्त्र उम्मेदवारी दिने भएका छन् ।
ग्लोबल नागरिकसँग कुरा गर्दै नेता पौडेलले चितवन ३ मा कांग्रेसकै नेता–कार्यकर्ताहरुको दबावमा उम्मेदवारी दिन लागेको बताए ।
कांग्रेसले अरू दल बोकेर हिँड्न हुन्न भन्ने एजेन्डा आफूले स्थापित गर्न खोजेको र त्यसमा सफल पनि भएको उनले दाबी गरे ।
सत्ताधारी गठबन्धनको तर्फबाट माओवादी केन्द्रले डा. भोजराज अधिकारीलाई उम्मेदवार बनाएको छ । गएको स्थानीय तह निर्वाचनमा भरतपुर महानगरपालिकामा कांग्रेसले माओवादी केन्द्रका रेनु दाहाललाई उम्मेदवार बनाएपछि पौडेलले मेयरमा बागी उम्मेदवारी दिएका थिए । महानगरमा उनले करिब १५ हजार मत ल्याएका थिए ।
प्रकाशित मिति: २३ आश्विन २०७९, आइतबार
प्रतिक्रिया