मोरङ । प्रधानमन्त्री तथा कांग्रेस सभापति शेरबहादुर देउवाले पार्टीका नेता तथा कार्यकर्तालाई गठबन्धनका सहयात्री दलहरू माओवादी केन्द्रको चुनाव चिह्न ‘हँसिया हथौडा’ र एकीकृत समाजवादीको चुनाव चिह्न ‘कलम’मा भोट हाल्न किन लाज मान्ने भनेर प्रश्न गरेका छन् ।
मतपत्रमा ‘हँसिया हथौडा’ भएको ठाउँमा ‘हँसिया हथौडा’मा, ‘कलम’ भएको ठाउँमा ‘कलम’मा र ‘रुख’ भएको ठाउँमा ‘रुख’मा मतदान गर्न उनले गठबन्धन दलका नेता तथा कार्यकतालाई आग्रह गरेका छन् ।
लोकतान्त्रिक–वाम गठबन्धनले विराटनगरमा शनिबार आयोजना गरेको प्रदेशस्तरीय सत्तारुढ गठबन्धन दलका नेता तथा कार्यकर्ताको भेलामा प्रधानमन्त्री देउवाले गणतन्त्रको रक्षा र संविधानको पूर्ण कार्यान्वयनका लागि गठबन्धन भएकोले यसमा कुनै शंका र उपशंका नगर्न आग्रह गरेका हुन् ।
प्रकाशित मिति: ५ कार्तिक २०७९, शनिबार
प्रतिक्रिया