पोखरा । कास्की निर्वाचन क्षेत्र नम्बर १ को मतगणना रोकिएको छ ।
प्रतिनिधिसभामा खसेकोभन्दा ९९ मतपत्र बढी भेटिएपछि गणना पछिल्लो एक घण्टादेखि रोकिएको हो । कर्मचारीले गणना गर्नुपर्ने मतपत्र दिँदा त्रुटि भएको बताइएको छ ।
मादी गाउँपालिका वडा नम्बर ५ मा १ हजार ४९ खसेको र त्यो गणना सकिएपछि पनि ९९ मतपत्रसहितको नयाँ मुठ्ठा भेटिएपछि विवाद भइ मतगणना रोकिएको हो ।
सो क्षेत्रको प्रतिनिधिसभामा ९९ मतपत्र कम रहेको र प्रदेशकोमा बढी ९९ मतपत्र देखिएकाले मतपत्र राख्ने र गन्ने समयमा त्रुटि हुन सक्ने बताइएको छ।
पछिल्लो मतपरिणामअनुसार कास्की १ मा एमालेका मनबहादुर गुरुङ कांग्रेसका किशोरदत्त बरालभन्दा अगाडि छन् ।
प्रकाशित मिति: ६ मंसिर २०७९, मंगलबार
प्रतिक्रिया