‘भेलुबाजे’ लाई २ हजार किन दिएको भन्दै सूर्य थापालाई आयोगले सोध्यो स्पष्टीकरण
काठमाडौं । निर्वाचन आयोगले प्यूठानमा नेकपा एमालेका तर्फबाट प्रतिनिधि सभा सदस्यका उम्मेदवार सूर्यबहादुर थापालाई फेरि स्पष्टीकरण सोधेको छ । मीनबहादुर बुढा (भेलुबाजे)लाई दुई हजार रुपैयाँ दिई आफ्नो निर्वाचन प्रचारप्रसार गराएको भन्ने व्यहोराको समाचार प्रकाशन भएको प्रति आयोगको ध्यानाकर्षण भई स्पष्टीकरण सोधिएको आयोगले जनाएको छ ।
