सन्दीपलाई अमेरिका पठाउन क्यानले अगाडि बढायो भिसा प्रक्रिया
काठमाडौँ । क्रिकेटर सन्दीप लामिछानेलाई विश्वकप खेल्न अमेरिका पठाउने प्रक्रिया सुरु भएको छ। नेपाल क्रिकेट संघ (क्यान)का सचिव पारस खड्काले मंगलबार विज्ञप्ति जारी गर्दै सन्दीपलाई अमेरिका पठाउन भिसा प्रक्रिया अगाडि बढाइएको जानकारी दिए। सन्दीपलाई प्रतियोगितामा सहभागी हुन अमेरिका पठाउने विषयमा क्यानले आईसीसीसँग पहल गरिरहेको उनले बताए।
