बीपी राजमार्गमा हाइस दुर्घटना : चार जना घाइते, दुईको अवस्था गम्भीर
सिन्धुली । बीपी राजमार्गअन्तर्गत सिन्धुलीको गोलन्जोर गाउँपालिका–५, छब्बिसमा हाइस दुर्घटना हुँदा चार जना घाइते भएका छन्। घाइतेमध्ये दुई जनाको अवस्था गम्भीर रहेको प्रहरीले जनाएको छ। मोरङबाट काठमाडौं आउँदै गरेको बा.५ ख ५९८४ नम्बरको हाइस ब्रेक फेल भएर अनियन्त्रित हुँदा सडकको नालामा खसेर दुर्घटनामा परेको हो।
