काठमाडौं । नेकपा एमालेका प्रमुख सचेतक महेश बर्तौलाले पूर्वराष्ट्रपति विद्यादेवी भण्डारीलाई सक्रिय राजनीतिमा नफर्कनु उपयुक्त हुने धारणा पार्टीका अधिकांश केन्द्रीय सदस्यहरूले व्यक्त गरेको बताएका छन्।
मंगलबार च्यासलस्थित पार्टी केन्द्रीय कार्यालयमा सञ्चारकर्मीहरूसँग कुरा गर्दै बर्तौलाले केन्द्रीय कमिटी बैठकमा उठेका प्रमुख विषयहरूमा जानकारी गराउँदै यस्तो बताएका हुन्।
उनका अनुसार केन्द्रीय सदस्यहरूले पार्टी विधान संशोधन, महाधिवेशन तयारीसहित पूर्वराष्ट्रपतिको भूमिकाबारे धारणा राखेका छन्। “अधिकांश नेताहरूले भण्डारीज्यू पूर्वराष्ट्रपतिको गरिमा अनुरूप नै बस्नुपर्ने सुझाव दिएका छन्,” बर्तौलाले भने।
उनले बैठक आजै समापन गर्ने तयारी भइरहेको जानकारी समेत दिए।
प्रकाशित मिति: ६ श्रावण २०८२, मंगलबार
प्रतिक्रिया