काठमाडौं । नवनियुक्त ऊर्जा, जलस्रोत तथा सिँचाइमन्त्री कुलमान घिसिङले सोमबार पद तथा गोपनीयताको शपथ ग्रहण गरेका छन्।
राष्ट्रपति रामचन्द्र पौडेलले शीतल निवासमा आयोजित समारोहका क्रममा घिसिङलाई शपथ दिलाएका हुन्। उनका जिम्मेवारीमा ऊर्जा मन्त्रालयसँगै भौतिक पूर्वाधार, यातायात तथा सहरी विकास मन्त्रालयसमेत रहेको छ।
शपथ ग्रहण कार्यक्रममा उपराष्ट्रपति रामसहाय प्रसाद यादव, प्रधानमन्त्री सुशीला कार्की, प्रधानन्यायाधीश प्रकाशमान सिंह राउत, राष्ट्रियसभा अध्यक्ष नारायणप्रसाद दाहाल, पूर्वप्रधानमन्त्री डा. बाबुराम भट्टराई तथा नेपाल सरकारका उच्च अधिकारीहरूको पनि उपस्थिती रहेको थियो।
प्रकाशित मिति: ३० भाद्र २०८२, सोमबार
प्रतिक्रिया