काठमाडौं । राष्ट्रियसभाका अध्यक्ष नारायणप्रसाद दाहालले राष्ट्रियसभाका समिति सभापति र सचिवहरूसँग छलफल गरेका छन् । बदलिएको राजनीतिक परिस्थितिको सन्दर्भमा अध्यक्ष दाहालले बिहीबार सभापतिहरूसँग छलफल गरेका हुन् ।
सिंहदरबारस्थित कार्यकक्षमा सभाका चार विषयगत समितिका सभापति र सचिवहरूसँग छलफल गरी समितिका बैठक तथा काम कारबाहीहरू नियमित गर्न निर्देशन दिएको उनको सचिवालयले जनाएको छ ।
छलफलमा राष्ट्रियसभा उपाध्यक्ष विमला घिमिरे, समिति सभापतिहरू मायाप्रसाद शर्मा, तुलसाकुमारी दाहाल, कमलादेवी पन्त र सोनाम गेञ्जेन शेर्पा, राष्ट्रियसभा सचिव डा. सुरेन्द्र अर्याल र समिति सचिवहरू सहभागी रहेका थिए ।
प्रकाशित मिति: २ आश्विन २०८२, बिहिबार
प्रतिक्रिया