काठमाडौं । नेकपा मालेका महासचिव सिपी मैनालीले राष्ट्रपति रामचन्द्र पौडेलको दृढतापूर्वक उठाइएको कदमकै कारण संविधान सुरक्षित भएको बताएका छन्।
प्रगतिशील लेखक सङ्घ, नेपालद्वारा आइतबार काठमाडौँमा आयोजित कार्यक्रममा बोल्दै मैनालीले पश्चिमी शक्ति र अन्य बाह्य दबाबका बाबजुद राष्ट्रपति पौडेलले संवैधानिक अधिकार प्रयोग गर्ने साहस देखाएको भन्दै उनको प्रशंसा गरे।
उनले मुलुकमा निर्वाचन सुनिश्चित गर्न राजनीतिक दलहरूले संसद् पुनःस्थापनाको माग गर्दै आन्दोलनमा जाने काम नगर्नुपर्ने स्पष्ट पारे। मैनालीका अनुसार, जेन-जी पुस्ताले दबाब सिर्जना गरे पनि त्यसले तत्काल चुनाव सम्भव हुने अवस्था भने नआउनेछ।
यस्तै उनले नेपालमा संविधानलाई कमजोर पार्ने र अस्थिरता बढाउने उद्देश्यसहित बाह्य शक्तिहरू सक्रिय रहेको दाबी गर्दै सतर्क रहन सबैलाई आग्रह गरे।
प्रकाशित मिति: ५ आश्विन २०८२, आइतबार
प्रतिक्रिया