काठमाडौं । अन्तरिम प्रधानमन्त्री सुशीला कार्की आज मन्त्रिपरिषद् विस्तार गर्ने तयारीमा छिन् । नयाँ मन्त्रीहरूलाई दिउँसो २ बजे शपथ गराउने कार्यक्रम तय गरिएको छ ।
कार्कीले आइतबार पूर्वप्रधानन्यायाधीश अनिलकुमार सिन्हा, राष्ट्रिय आविष्कार केन्द्रका संस्थापक महावीर पुन, अतिरिक्त स्वास्थ्य सचिव डा. संगीता मिश्र र पत्रकार जगदिश खरेललाई मन्त्रीका रूपमा सिफारिस गरेको समाचार सार्वजनिक भएको छ । तर, अन्तिम सूचीमा केही हेरफेर हुने सम्भावना रहेको स्रोतहरूले बताएका छन् ।
गत भदौ २७ गते प्रधानमन्त्री नियुक्त भएकी कार्कीको नेतृत्वमा हाल तीन जना मात्र मन्त्रीहरू कार्यरत छन् । नयाँ नियुक्तिसँगै मन्त्रिपरिषद् थप सशक्त बन्ने अपेक्षा गरिएको छ ।
प्रकाशित मिति: ६ आश्विन २०८२, सोमबार
प्रतिक्रिया