काठमाडौं । पूर्वसभामुख कृष्णबहादुर महराको बयान काठमाडौँ जिल्ला अदालतमा सम्पन्न भएको छ । न्यायाधीश हर्कबहादुर क्षेत्रीको इजलासमा मंगलबार महरासँग बयान लिइएको हो ।
२०७९ पुस १० गते चिनियाँ नागरिक लि हासोङ्गले इलेक्ट्रोनिक चुरोट (भेप) भित्र लुकाएर ल्याएको सुन तस्करी प्रकरणमा संलग्न भएको आरोपमा महरा विरुद्ध मुद्दा चलिरहेको छ ।
महराको बयानपछि अब बुधबारदेखि उक्त प्रकरणमा थुनछेक बहस सुरु हुने भएको छ ।
बयानका क्रममा महराले आफू उक्त घटनामा संलग्न नरहेको र कुनै पनि किसिमको लगानी नगरेको स्पष्ट पारेका छन् ।
सरकारी वकिलको कार्यालयले भने उनलाई संगठित अपराध निवारण ऐन र भन्सार ऐन अन्तर्गत कारबाहीको माग गर्दै ८ करोड ५५ लाख २८ हजार रुपैयाँ बराबरको बिगो दाबी गरेको छ ।
प्रकाशित मिति: २८ आश्विन २०८२, मंगलबार
प्रतिक्रिया