काठमाडौं । नेपाली कम्युनिस्ट पार्टी (नेकपा) ले फागुन २१ मा हुने निर्वाचनमा पहिलो पार्टी बन्ने दाबी गरेको छ। पार्टी मुख्यालय पेरिसडाँडामा आयोजित पत्रकार सम्मेलनमा प्रवक्ता अग्नि सापकोटाले पार्टीले प्राप्त गरेको पछिल्लो रिपोर्ट अनुसार देशव्यापी जनमतमा पहिलो स्थानमा देखिएको जानकारी दिएका छन्।
प्रवक्ता सापकोटाले भने, ‘नेपालको पहिलो पार्टी नेकपा बन्ने संकेत स्पष्ट रूपमा देखिँदैछ। देशभरबाट आएको रिपोर्ट हेर्दा हामी त्यही अनुसार तयारीमा छौँ।’
उनले आगामी निर्वाचनको वातावरण निर्माणमा पार्टीले महत्वपूर्ण भूमिका निर्वाह गर्दै आएको बताए। साथै, निर्वाचन स्वच्छ, पारदर्शी र मर्यादित रूपमा सम्पन्न गर्न सरकारसँग आवश्यक माग राखेको पनि सापकोटाले जानकारी दिए।
प्रकाशित मिति: ५ फाल्गुन २०८२, मंगलबार
प्रतिक्रिया