बुटवल । प्रतिनिधिसभा निर्वाचनअन्तर्गत गुल्मी क्षेत्र नम्बर–१ मा जारी मतगणनाको प्रारम्भिक नतिजामा राष्ट्रिय स्वतन्त्र पार्टी (रास्वपा) का उम्मेदवार सागर ढकालले उल्लेखनीय अग्रता बनाएका छन्।
हालसम्म सार्वजनिक मतपरिणामअनुसार ढकालले ९ हजार ६५ मत प्राप्त गर्दै पहिलो स्थानमा छन्। उनका निकटतम प्रतिस्पर्धी नेकपा एमालेका प्रदीप ज्ञवालीले ३ हजार ७५६ मत पाएका छन् भने नेपाली कांग्रेसका डा. चन्द्र भण्डारीले ३ हजार ५३६ मत हासिल गरेका छन्।
यस्तै नेपाल कम्युनिस्ट पार्टीका सुदर्शन बरालले २ हजार ४१६ मत प्राप्त गरेका छन्। अहिलेसम्मको मतगणनाअनुसार ढकालले दोस्रो स्थानमा रहेका ज्ञवालीभन्दा करिब ५ हजारभन्दा बढी मतले अग्रता कायम गरेका छन्।
प्रकाशित मिति: २२ फाल्गुन २०८२, शुक्रबार
प्रतिक्रिया