साउदी अरेबिया । साउदी अरेबियाको रक्षा मन्त्रालयले देशको पूर्वी भागमा १८ वटा ड्रोन खसालिएको पुष्टि गरेको छ।
सरकारी समाचार एजेन्सी साउदी प्रेस एजेन्सीका अनुसार विगत केही दिनमा दर्जनौं ड्रोनलाई रोकिएको र नष्ट गरिएको हो। तर, अधिकारीहरूले यी ड्रोनहरू कुन तर्फबाट पठाइएका थिए भन्ने बारेमा जानकारी दिएका छैनन्।
अहिलेको रिपोर्टअनुसार शायबाह तेल सुविधा तर्फ गइरहेको एउटा ड्रोनलाई रुब अल खाली मरुभूमिको किनारमा रोकेर नष्ट गरिएको थियो।
गत महिनाको अन्त्यतिर अमेरिका र इजरायलले इरानमाथि आक्रमण सुरु गरेदेखि यस क्षेत्रको द्वन्द्व निरन्तर जारी छ। यसै क्रममा इरानले मध्यपूर्वका विभिन्न देशमा रहेका अमेरिका र इजरायलका सैन्य तथा आधारस्थलहरूलाई निशाना बनाउँदै आएको छ।
प्रकाशित मिति: २८ फाल्गुन २०८२, बिहिबार
प्रतिक्रिया