सुर्खेत । कालिकोटमा करेन्ट लागेर एक जनाको ज्यान गएको छ। मृत्यु हुनेमा सान्नी त्रिवेणी गाउँपालिका–३ का ५७ वर्षीय टिकाराम देवकोटा रहेका छन्।
जिल्ला प्रहरी कार्यालय कालिकोटका सूचना अधिकारी गणेश ज्ञवालीका अनुसार, मंगलबार साँझ बाख्रा चराएर घर फर्कने क्रममा बाटोमा झरेको विद्युत् तारमा छोएपछि उनलाई करेन्ट लागेको थियो। गम्भीर घाइते भएका देवकोटाको घटनास्थलमै मृत्यु भएको प्रहरीले जनाएको छ।
प्रारम्भिक जानकारीअनुसार राष्ट्रिय प्रसारण लाइनअन्तर्गतको तार सडक खन्ने क्रममा चुँडिएर जमिनमा खसेको थियो।
मृतकका आफन्तहरूले भने नेपाल विद्युत् प्राधिकरणको लापरबाहीका कारण घटना भएको आरोप लगाएका छन्।
प्रकाशित मिति: २३ बैशाख २०८३, बुधबार
प्रतिक्रिया