काठमाडौं । कीर्तिपुरमा दिउँसै धारिलो हतियार प्रहार गरी एक युवकको हत्या भएको छ।
कीर्तिपुर नगरपालिका–१० बोडेटोलमा सोमबार दिउँसो उक्त घटना भएको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिएका छन्। उनका अनुसार दिउँसो करिब साढे २ बजे विपिन घिमिरेमाथि धारिलो हतियार प्रहार गरिएको थियो।
गम्भीर घाइते घिमिरेलाई तत्काल उद्धार गरी कीर्तिपुर अस्पताल लगिए पनि चिकित्सकले उनलाई मृत घोषणा गरेका हुन्।
प्रहरीका अनुसार प्रारम्भिक अनुसन्धानमा साथी–साथीबीचको विवादका क्रममा घटना भएको देखिएको छ।
हतियार प्रहार गर्ने व्यक्तिको पहिचान भइसकेको र उनलाई चाँडै पक्राउ गरिने एसपी भट्टराईले बताए। ‘प्रहरी टोली परिचालित भइसकेको छ, छिट्टै नियन्त्रणमा लिन्छौँ,’ उनले भने।
प्रकाशित मिति: २३ बैशाख २०८३, बुधबार
प्रतिक्रिया