तेह्रथुम। तेह्रथुमको लालीगुराँस नगरपालिकाले बाँदर नियन्त्रण का लागि अनौठो निर्णय गर्दै जेठ १ गते नगरभर सार्वजनिक बिदा दिने भएको छ ।
नगरपालिकाले बाँदरलाई बस्ती तथा खेतीयोग्य क्षेत्रबाट धपाउन ठूलो संख्यामा जनशक्ति परिचालन गर्नुपर्ने भएकाले सार्वजनिक बिदा दिने निर्णय गरेको जनाएको छ ।
नगरप्रमुख अर्जुन माबोहाङका अनुसार बाँदर नियन्त्रण अभियान प्रभावकारी बनाउन स्थानीयवासीको सामूहिक सहभागिता आवश्यक भएकाले उक्त दिन अत्यावश्यक सेवाबाहेक सबै सेवा बन्द रहनेछन् ।
नगरपालिकाद्वारा जारी सूचनामा “धेरै मानिस एकसाथ परिचालन भए मात्रै बाँदरलाई प्रभावकारी रूपमा धपाउन सकिने भएकाले सार्वजनिक बिदा दिएर अभियान सञ्चालन गर्न लागिएको” उल्लेख गरिएको छ ।
पछिल्लो समय बाँदरको आतंकका कारण स्थानीयवासीको खेतीपातीमा क्षति पुग्दै आएपछि नगरपालिकाले यस्तो निर्णय गरेको जनाइएको छ ।
प्रकाशित मिति: ३० बैशाख २०८३, बुधबार
प्रतिक्रिया