काठमाडौं । लमजुङमा मोटरसाइकल दुर्घटनामा परी एक वृद्धको ज्यान गएको छ।
बेसीशहर नगरपालिका–११, रामचोक बेसीस्थित सडकमा उदिपुरबाट रामचोकतर्फ जाँदै गरेको ग.प्र.०१–००१ प ०१६९ नम्बरको मोटरसाइकलले पैदलयात्रीलाई ठक्कर दिएको थियो।
दुर्घटनामा गम्भीर घाइते भएका स्थानीय ७४ वर्षीय मोहनिधि सेढाईको उपचारका क्रममा शुक्रबार बिहान प्रदेश अस्पताल लमजुङमा मृत्यु भएको नेपाल प्रहरी ले जनाएको छ।
उक्त दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको प्रहरीले जानकारी दिएको छ।
प्रकाशित मिति: १ जेष्ठ २०८३, शुक्रबार
प्रतिक्रिया