काठमाडौं । प्रधानमन्त्री तथा मन्त्रिपरिषद्को कार्यालयले दैलेखको दुल्लु गाउँपालिका–१३ का वडा सचिव कमल भण्डारीलाई दिइएको धम्कीसम्बन्धी अडियो सार्वजनिक भएको घटनाप्रति गम्भीर ध्यानाकर्षण भएको जनाएको छ।
शनिबार कार्यालयका प्रवक्ता हेमराज अर्यालले जारी गरेको विज्ञप्तिमा उक्त घटनालाई गम्भीर रूपमा लिइएको उल्लेख गरिएको छ।
प्रकाश खड्का नाम गरेका व्यक्तिले वडा सचिव भण्डारीलाई टेलिफोनमार्फत धम्की दिएको अडियो अहिले सामाजिक सञ्जालमा व्यापक रूपमा फैलिएको छ।
विज्ञप्तिअनुसार, घटना सार्वजनिक हुनासाथ सम्बन्धित व्यक्तिलाई तत्काल कानुनी दायरामा ल्याई आवश्यक कारबाही अघि बढाउन सुरक्षा तथा अनुसन्धान निकायलाई कडा निर्देशन दिइसकिएको छ।
प्रकाशित मिति: २ जेष्ठ २०८३, शनिबार
प्रतिक्रिया