काठमाडौं । चितवनको माडी नगरपालिका–९ स्थित रातोमाटे डाँडा क्षेत्रमा मोटरसाइकल बाघसँग ठोक्किँदा चालक घाइते भएका छन्।
माडीबाट ठोरीतर्फ जाँदै गरेको बागमती प्रदेश ००२ प ६८६३ नम्बरको मोटरसाइकल बाघसँग ठोक्किएको हो। दुर्घटनामा परी पर्साको ठोरी गाउँपालिका–१ निवासी करिब ४० वर्षीय अजित कुँवर घाइते भएका छन्।
दुर्घटनामा कुँवरको बायाँ पाखुरा र टाउकोमा चोट लागेको बताइएको छ। उनलाई तत्काल स्वास्थ्य चौकी चोकबजार, ठोरीमा प्राथमिक उपचार गरिएपछि थप उपचारका लागि वीरगञ्ज पठाइएको छ।
घटनापछि उक्त क्षेत्रमा वन्यजन्तु आवतजावत गर्ने भएकाले सवारी चालकलाई विशेष सतर्कता अपनाउन आग्रह गरिएको छ।
प्रकाशित मिति: २२ जेष्ठ २०८३, शुक्रबार
प्रतिक्रिया