काठमाडौं । प्रतिनिधिसभाको बैठक मंगलबार (जेठ २६) दिउँसो १ बजेसम्मका लागि स्थगित गरिएको छ।
सोमबार बसेको बैठकमा विपक्षी दलहरूले अवरोध गरेपछि सभामुखले बैठक १५ मिनेटका लागि स्थगित गरेका थिए। त्यसपछि विशेष कारण देखाउँदै बैठकको समय परिवर्तन गरिएको हो।
संघीय संसद् सचिवालयले सूचना जारी गर्दै सोमबारका लागि तय गरिएको बैठक अब मंगलबार दिउँसो १ बजे बस्ने जानकारी दिएको छ।
संघीय संसद्का महासचिव पद्मप्रसाद पाण्डेयद्वारा जारी सूचनामा विशेष परिस्थितिका कारण बैठकको मिति र समय परिवर्तन गरिएको उल्लेख गरिएको छ।
विपक्षी दलहरूको अवरोधका कारण पछिल्ला केही दिनयता संसद्को नियमित कार्यसूची प्रभावित हुँदै आएको छ।
प्रकाशित मिति: २५ जेष्ठ २०८३, सोमबार
प्रतिक्रिया