काठमाडौं। राष्ट्रिय स्वतन्त्र पार्टी (रास्वपा) ले कर्णाली का १० मध्ये ९ जिल्लामा पहिलो अधिवेशन सम्पन्न गरी नयाँ जिल्ला समिति गठन गरेको छ ।
डोल्पा बाहेक सबै जिल्लामा अधिवेशन गरेर नयाँ नेतृत्व चयन गरिएको हो ।
डोल्पामा दुई महिनाअघि मात्र तदर्थ समिति गठन भएकोले राष्ट्रिय महाधिवेशनपछि मात्र अधिवेशन गर्ने तयारी छ ।
सुर्खेत जिल्लाको सभापतिमा प्रतिनिधिसभा सदस्य रमेश सापकोटा चयन भएका छन् ।
रुकुम पश्चिममा द्रोण खड्का, जाजरकोटमा महेश सिंह, सल्यानमा प्रकाश परियार, दैलेखमा बखत भण्डारी, कालिकोटमा प्रेमबहादुर केसी, जुम्लामा मकर भण्डारी, हुम्लामा लक्ष्मण ऐरी र डोल्पामा देवसिंह ऐरी सभापति बनेका छन् ।
मुगु जिल्लाको अधिवेशन भने अझै जारी छ ।
चुनावअघि कर्णालीमा संगठनात्मक रूपमा कमजोर रहेको रास्वपाले चुनावपछि भने तीव्र गतिमा संगठन विस्तार गरेको छ । गत चुनावमा कर्णालीबाट रास्वपाले एक सिट मात्र जितेको थियो ।
प्रकाशित मिति: २५ जेष्ठ २०८३, सोमबार
प्रतिक्रिया