चितवन । राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनबाट निर्वाचित पदाधिकारी तथा केन्द्रीय सदस्यहरूको शपथग्रहण आज साँझ आयोजना हुने भएको छ।
महाधिवेशन आयोजक समितिका अनुसार शपथग्रहण कार्यक्रम साँझ ६:३० बजे महाधिवेशनस्थलमा रहेको मुख्य हलमा हुनेछ। कार्यक्रममा महाधिवेशनबाट निर्वाचित सबै पदाधिकारी र केन्द्रीय सदस्यले पद तथा गोपनीयताको शपथ लिनेछन्।
आयोजक समितिले शपथग्रहण कार्यक्रममा समयमै उपस्थित हुन सबै नवनिर्वाचित पदाधिकारी तथा केन्द्रीय सदस्यलाई आग्रह गरेको छ।
रास्वपाको प्रथम राष्ट्रिय महाधिवेशन आइतबारदेखि चितवनमा सुरु भएको थियो। महाधिवेशनअन्तर्गत पदाधिकारी र केन्द्रीय सदस्यको निर्वाचन प्रक्रिया सम्पन्न भएसँगै नयाँ नेतृत्वलाई आज औपचारिक रूपमा शपथ गराएर जिम्मेवारी हस्तान्तरण गरिने कार्यक्रम रहेको छ।
प्रकाशित मिति: १२ असार २०८३, शुक्रबार
प्रतिक्रिया