काठमाडौं । देशैभर अहिले ग्यासको चरम अभाव छ । ग्यासको व्यवस्थापन गर्न नसक्दा बिहिबार उद्योगमन्त्री गौरी कुमारी यादवले पदबाट राजीनामा दिइन् । यसैबीच, काठमाडौँको तीनकुनेस्थित गैरीगाउँबाट प्रहरीले ७०५ सिलिन्डर ग्यास बरामद गरेको छ ।
दुई वटा ठुला ट्रकमा लोड गरिएको अवस्थामा ग्यास बरामद गरेको प्रहरीले जनाएको छ ।
ग्यास कालोबजारी गरेको आरोपमा बसुन्धारास्थित जय श्री बालाजी ग्यास स्टोरका सञ्चालक दिनेश लुइँटेललाई प्रहरीले पक्राउ गरेको हो ।
बसुन्धारामा स्टोर ग्यास स्टोर सञ्चालन गरेका लुइँटेलले प्रति सिलिन्डर २ हजार ७५० रुपैयाँमा ग्यास बेच्ने गरेको भेटिएको उपत्यका अपराध अनुसन्धान कार्यालयका एसपी रामेश्वर कार्कीले बताए । बरामद सबै सिलिन्डर नेपाल ग्यास कम्पनीका हुन् ।
प्रकाशित मिति: २६ भाद्र २०८३, शुक्रबार
प्रतिक्रिया