काठमाडौं । काठमाडौंको शङ्खरापुर नगरपालिका–१ छापभञ्ज्याङ क्षेत्रका घरहरूमा चोरी गरेको आरोपमा सिन्धुपाल्चोकका २० वर्षीय कुमार तामाङ पक्राउ परेका छन्।
प्रहरीले बिहीबार दिउँसो जहरसिंहपौवास्थित होटल रूफटपबाट तामाङलाई नियन्त्रणमा लिएको हो। खोजतलासका क्रममा उनको साथबाट चोरीमा प्रयोग भएको फलामको रड, सुनको तिलहरी, मोबाइल फोन र बा.प्र.०२–६४ प ६४७४ नम्बरको मोटरसाइकल बरामद गरिएको प्रहरीले जनाएको छ।
चोरी सम्बन्धी कसुरमा काठमाडौं जिल्ला अदालतबाट पाँच दिनको म्याद थप अनुमति लिएर तामाङमाथि थप अनुसन्धान भइरहेको प्रहरीले जनाएको छ।
प्रकाशित मिति: २२ श्रावण २०८३, शुक्रबार
प्रतिक्रिया