काठमाडौं । जाजरकोटको काल्सेनी आसपास केन्द्रबिन्दु भएर मंगलबार बिहान भूकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार बिहान ९ बजेर ८ मिनेटमा ४.१ म्याग्निच्युडको भूकम्प गएको हो।
केन्द्रका अनुसार यसअघि रोल्पाको इरीवाङ आसपास पनि भूकम्प गएको थियो। गत साउन १८ गते बिहान ३ बजेर ७ मिनेटमा इरीवाङ केन्द्रबिन्दु भएर ४.४ म्याग्निच्युडको भूकम्प मापन गरिएको थियो।
मंगलबार गएको भूकम्पबाट भएको क्षतिबारे प्रारम्भिक विवरण सार्वजनिक भएको छैन।
प्रकाशित मिति: २६ श्रावण २०८३, मंगलबार
प्रतिक्रिया