दाङ । दाङको घोराही उपमहानगरपालिका–८ का वडाध्यक्ष जितेन्द्र शाह अध्यक्ष पदबाट राजीनामा दिएको झन्डै डेढ महिना पछि पुनः काममा फर्किएका छन् ।
उपमहानगरले असार १० गते ल्याएको बजेटप्रति असुन्तुष्टि जनाउँदै वडाध्यक्ष शाहले पदबाट राजीनामा दिएका थिए । वडाका लागि पर्याप्त बजेट विनियोजन नभएकाे भन्दै उनले पदबाट राजीनामा दिएका थिए । वडाध्यक्ष शाहले राजीनामा दिए पनि उनको राजीनामा भने स्वीकृत भएको थिएन।
उपमहानगरपालिकाले उनको विकास योजनाको मागलाई सम्बोधन गर्ने सहमति भएपछि उनि आज बिहीवारदेखि काममा फर्किएका हुन् । गएकाे पालिका चुनावमा शाह नेकपा एमालेबाट वडाध्यक्षमा निर्वाचित भएका थिए ।
प्रकाशित मिति: १८ श्रावण २०८०, बिहिबार
प्रतिक्रिया