काठमाडौं । राष्ट्रपति विद्यादेवी भण्डारीले श्रमलाई सम्मान गर्ने संस्कृति निर्माणमा थप योगदान गर्नुपर्ने बताइन् ।अन्तर्राष्ट्रिय श्रमिक दिवस मे १, २०२२ को अवसरमा उनले यस्तो बताएकी हुन् ।
मुलुकको आर्थिक विकास प्रक्रियामा श्रम र सीपको महत्वलाई उजागर गर्नुपर्ने बताउदै उनले मर्यादित श्रम, उचित पारिश्रमिक एवं सामाजिक सुरक्षालगायत श्रमिक अधिकारलाई सुनिश्चित गर्नेतर्फ अग्रसर हुन सबैलाई प्रेरणा प्राप्त होस् भन्ने कामना पनि गरेकी छिन् ।
राष्ट्रपति भण्डारीले स्वदेश तथा विदेशमा रहेका सम्पूर्ण नेपाली श्रमजीवी दिदीबहिनी तथा दाजुभाइहरूमा सुख, शान्ति र समृद्धिको शुभकामना पनि व्यक्त गरेकी छिन् । 
प्रकाशित मिति: १८ बैशाख २०७९, आइतबार
प्रतिक्रिया