काठमाडौं । उपराष्ट्रपति राम सहाय प्रसाद यादवले ‘नेप्लिज एकेडेमी अफ न्यूरोलोजी’ले न्यूरोलोजीसँग सम्बन्धित रोगहरूको नियन्त्रणमा महत्त्वपूर्ण भूमिका खेल्न सक्ने उल्लेख गर्दै न्यूरोलोजीको क्षेत्रमा देखिएका समस्याहरू पहिचान गर्न र त्यसको समाधानका लागि यो सम्मेलन सफल हुने विश्वास व्यक्त गरेका छन्।
काठमाडौंमा आयोजना भएको अन्तर्राष्ट्रिय न्युरोलाजी सम्मेलनमा उपस्थित अन्तर्राष्ट्रिय नसा रोग विषेशज्ञहरुलाई सम्बोधन गर्दै उपराष्ट्रपति यादवले नसा संग सम्बन्धित रोगहरुको पहिचान र न्युनीकरणमा सेमिनारले महत्वपूर्ण भुमिका खेल्ने बताए।
कार्यक्रममा उपस्थित विशेषज्ञहरू र अन्य विशिष्ट व्यक्तिहरूले पनि यो सम्मेलनले न्यूरोलोजीको क्षेत्रमा नयाँ दृष्टिकोण र समाधानहरू प्रस्तुत गर्ने अपेक्षा व्यक्त गरेका छन्। यस अवसरमा उपराष्ट्रपतिले न्यूरोलोजीको क्षेत्रमा नेपालमा थप अनुसन्धान र विकासको आवश्यकताको बारेमा पनि चर्चा गरे।
सम्मेलनले नेपालमा न्यूरोलोजिकल समस्याहरूको समाधान र अनुसन्धानलाई थप प्रवर्द्धन गर्ने लक्ष्य राखेको छ। विशेषज्ञहरूले यस्तो अन्तर्राष्ट्रिय सेमिनारले नसा सम्बन्धि स्वास्थ्य सेवामा सुधार ल्याउन र जनस्वास्थ्यलाई सबल बनाउन मद्दत पुर्याउने बिस्वास ब्यक्त गरेका छन् ।
प्रकाशित मिति: ८ जेष्ठ २०८१, मंगलबार
प्रतिक्रिया