अभिनेता विपिन कार्कीलाई पुत्रीलाभ

काठमाडौं । अभिनेता विपिन कार्कीलाई दोस्रो सन्तानको रुपमा पुत्रीलाभ भएको छ । उनकी पत्नी रेस्मा कटुवालले बुधबार बिहान सुमेरु सिटी अस्पतालमा सन्तानलाई जन्म दिएकी हुन् ।

‘दोस्रो पटक पनि लक्ष्मीको आगमन भएको छ । हामी खुसी छौं’ विपिनले भने, ‘अस्पतालबाट डिस्चार्ज भएर घरमा पुगेर म फिल्मको काममा फर्किन्छु ।’

विपिन लगत्तै ‘ऊनको स्वीटर’को छायांकनमा ब्यस्त हुँदैछन् । यो फिल्मको १० दिनको छायांकन तालिका बाँकी छ । यो फिल्मको छायांकन हुँदाहुँदै विपिनलाई मातृशोक परेपछि छायांकन रोकिएको थियो ।

प्रकाशित मिति: ३० आश्विन २०८१, बुधबार