ओलीले भने – ‘म आउन भ्याइँन गृहमन्त्री आउनुहुन्छ बैठकमा’

काठमाडौँ । प्रधानमन्त्री केपी शर्मा ओली राज्य व्यवस्था तथा सुशासन समितिको बैठकमा सहभागी नहुने भएका छन् । आजको बैठकमा जाने भनिए पनि अहिले रद्द भएको प्रधानमन्त्रीको सचिवालयले जनाएको छ ।

बैठक मध्याह्न सवा १२ बजे सिंहदरवारस्थित कानून, न्याय तथा मान अधिकार समितिको सभाकक्षमा बस्दैछ । आजको बैठकमा अख्तियार दुरुपयोग अनुसन्धान आयोग ऐन, २०४८ लाई संशोधन गर्न बनेको विधेयकका सम्बन्धमा छलफल गर्ने कार्यसूची रहेको छ ।

सोही विषयमा छलफल गर्न समितिले प्रधानमन्त्री ओली र गृहमन्त्री रमेश लेखकलाई बोलाएको थियो । प्रधानमन्त्री सहभागी नहुने भए पनि गृहमन्त्री लेखक भने बैठकमा सहभागी हुने समितिले जनाएको छ ।

प्रकाशित मिति: १२ कार्तिक २०८१, सोमबार