काठमाडौं । दसैँपछि पहिलो कारोबार दिन आइतबार नेपाली बजारमा सुनको मूल्य तोलामा ११ हजार ६०० रुपैयाँले घटेको छ। नेपाल सुनचाँदी व्यवसायी महासंघका अनुसार सुनको मूल्य प्रतितोला दुई लाख ७८ हजार ५०० रुपैयाँ कायम भएको छ।
गत असोज ३० गते सुनको मूल्य प्रतितोला दुई लाख ९० हजार १०० रुपैयाँ थियो। दसैँअघिको तुलनामा आइतबार सुनको मूल्यमा उल्लेख्य गिरावट आएको हो।
महासंघका अनुसार सुनको मूल्य प्रतिदश ग्राम दुई लाख ३८ हजार ७७० रुपैयाँ कायम भएको छ।
यसैगरी, चाँदीको मूल्य पनि घटेको छ। दसैँअघि प्रतितोला चार हजार १५० रुपैयाँ रहेको चाँदीको मूल्य आइतबार घटेर तीन हजार ९५५ रुपैयाँ कायम भएको महासंघले जनाएको छ।
चाँदीको मूल्य प्रतिदश ग्राम तीन हजार ३९१ रुपैयाँ कायम भएको छ। दसैँअघि यसको मूल्य प्रतिदश ग्राम तीन हजार ५५८ रुपैयाँ थियो।
प्रकाशित मिति: ९ कार्तिक २०८३, आइतबार
प्रतिक्रिया