काठमाडौं । पूर्वी चीनको वुसी शहरमा एक विद्यार्थीको आक्रमणबाट आठ जनाको मृत्यु भएको छ ।
वुसी यिक्सिङ आर्ट्स एन्ड क्राफ्ट्स भोकेस्नल टेक्निकल कलेजबाहिर भएको अन्धाधुन्द चक्कु प्रहारको घटनामा आठ जनाको मृत्यु भएको बीबीसीले जनाएको छ ।
यस्तै ती युवाको आक्रमणबाट १७ जना घाइते भएका छन् । चक्कु प्रहार गर्ने २१ वर्षीय युवकलाई स्थानीय समयअनुसार शनिबार साँझ १८ः३० बजे पक्राउ गरिएको छ ।
प्रहरीका अनुसार आरोपीले आफ्नो अपराध स्वीकार गरेका छन् र यस घटनामा अनुसन्धान जारी रहेको छ ।
स्नातकको परीक्षामा असफल हुनु र इन्टर्नशिपको तलबसँग असन्तुष्ट हुनु आक्रमणको कारण रहेको ती युवाले बयान दिएका छन् ।
यो घटना गत सोमबारको एक अर्को नरसंहारसँग जोडिएको छ । जहाँ दक्षिणी चीनको झुहाइ शहरमा एक व्यक्तिले कारले ठक्कर दिएर ३५ जना व्यक्तिको हत्या गरेका थिए ।
विवाह टुटेका कारण आफूले यस्तो घटना घटाएको ती व्यक्तिले बयान दिएका थिए ।
- एजेन्सी
प्रकाशित मिति: २ मंसिर २०८१, आइतबार
प्रतिक्रिया