कांग्रेस महामन्त्री गगन थापाले पेट्रोलिय ऐन बनाउन प्रस्ताव गरेका छन् । शुक्रबार प्रतिनिधिसभामा भइरहेको मूल्यवृद्धिका सम्बन्धमा प्रस्तुत गरिएको जरुरी सार्वजनिक महत्वको प्रस्तावमाथिको छलफलमा भाग लिँदै उनले यस्तो बताएका हुन् ।
संसद चलिरहेका बेला थापाले पेट्रोलियम पदार्थमा लगाएको भन्सार,पूर्वाधार, प्रदूषण, सडक मर्मतजस्ता कर घटाएर भए पनि मूल्यवृद्धि नियन्त्रण गरेर जनतालाई राहत दिनुपर्ने बताए ।साथ साथै पेट्रोलियम पदार्थको भण्डारणको क्षमता पनि बढाउनुपर्ने उनले बताए ।
इन्धनको कच्चा पदार्थ ल्याएर रिफाइन गर्न सकिन्छ कि भन्ने विषयमा पनि अध्ययन गर्नुपर्ने भन्दै थापाले आजै बाट देशलाई पेट्रोलियम पदार्थमुक्त बनाउने गरी काम थाल्नुपर्ने बताए ।
प्रकाशित मिति: २० जेष्ठ २०७९, शुक्रबार
प्रतिक्रिया