गुल्मी । गुल्मीमा पत्नीलाई बलात्कार गरेको आरोपमा एक पुरुष पक्राउ परेका छन् । मदाने गाउँपालिका–४ की २४ वर्षीय एक महिलाले आफ्नै श्रीमानले बलात्कार गरेको भन्दै शनिबार जिल्ला प्रहरी कार्यालयमा जाहेरी दर्ता गरेकी थिइन। त्यस लगत्तै निजका श्रीमानलाई प्रहरीले नियन्त्रणमा लिएका थियो। 
ती महिलाले आफ्नो पतिले डर–धाक, धम्की देखाई पटक पटक आफ्नो ईच्छा विपरीत यौन सम्पर्क गर्ने गरेको जाहेरीमा उल्लेख गरेकी छन् । उनको जाहेरीका आधारमा वैवाहिक जवर्जस्ती करणी मुद्दामा अनुसन्धान भइरहेको प्रहरीले जनाएको छ। 
प्रहरीले पीडित र पीडक दुवैको नाम गोप्य राखेको छ । उनीहरुको विवाह वि.सं २०६८ सालमा भएको थियो । उक्त दम्पतीका दुई सन्तान समेत रहेका छन् । 
प्रकाशित मिति: २९ जेष्ठ २०७९, आइतबार
प्रतिक्रिया