रामेछाप । नेकपा एमाले रामेछापका जिल्ला इन्चार्ज एवं बागमती प्रदेशका पूर्व अर्थमन्त्री कैलाश ढुंगेलाई मुटुमा गम्भीर समस्या देखिएको छ ।
आज बिहान पटक पटक बान्ता भएपछि ढुंगेललाई मन्थलीको तामाकोसी अस्पतालमा लगिएको थियो। तामाकोसी अस्पतालमा उपचारको क्रममा डाक्टरले मुटुमा समस्या रहेको बताएपछि हेलिकप्टर मार्फत ढुंगेललाई काठमाडौं स्थित नर्भिक अस्पताल लगिएको छ। अहिले नेता ढुंगेलको काठमाडौं स्थित नर्भिक अस्पतालमा उपचार भइरहेको छ।
एमाले जिल्ला नेता दिनेश सुवेदीका अनुसार स्वास्थ्य अवस्थामा विस्तारै सुधार भएपनि मुटुको समस्याको कारण थप उपचारको लागि हेलिकोप्टर मार्फत नर्भिक अस्पताल लगिएको बताइएको छ।
प्रकाशित मिति: ७ असार २०७९, मंगलबार
प्रतिक्रिया