काठमाडौं । यू–१६ इस्ट जोन कप क्रिकेट प्रतियोगितामा नेपालले इन्डोनेसियालाई ४२१ रनको विशाल लक्ष्य दिएको छ।
टस हारेर पहिले ब्याटिङ गरेको नेपालले निर्धारित ५० ओभरमा ५ विकेटको क्षतिमा ४२० रनको विशाल योगफल तयार गर्यो। नेपालको इनिङ्सलाई ओपनरहरूबाटै बलियो सुरुवात मिलेको थियो।
नेपालका लागि प्रशिद्ध जैशीले ११४ बलमा १३ चौका र ३ छक्कासहित १३२ रनको शानदार शतक प्रहार गरे। परिमार्जन यादवले २८ बलमै ७१ रन, रौनक श्रीवास्तवले ७१ बलमा ८८ रन तथा जोय थापाले ४१ बलमा ५७ रनको योगदान दिए।
सुगम बुढाथोकीले ३४ बलमा ३९ रन, रोशन शाहीले ९ बलमा १० रन बनाए भने शिवान्स बजगाईं ४ रनमा सीमित भए।
नेपालले पहिलो १० ओभरमै बिना विकेट १३० रन जोड्दै आक्रामक सुरुवात गरेको थियो। अब इन्डोनेसियाले प्रतियोगितामा रहन नेपालले दिएको ४२१ रनको चुनौती पच्छ्याउनु पर्नेछ।
प्रकाशित मिति: १५ असार २०८२, आइतबार
प्रतिक्रिया