काठमाडौं । स्वास्थ्य तथा जनसंख्या मन्त्री प्रदीप पौडेलको स्वास्थ्यमा क्रमिक सुधार भइरहेको छ। वीर अस्पतालले आइतबार जारी गरेको विज्ञप्तिमा मन्त्री पौडेलको अवस्था सामान्य बन्दै गएको जनाइएको छ।
अस्पतालका निर्देशक प्रा.डा. दिलीप शर्माको नेतृत्वमा चिकित्सक टोलीको प्रत्यक्ष निगरानीमा पौडेलको उपचार भइरहेको छ। डा. शर्माका अनुसार ज्वरो आएपछि मन्त्री पौडेल असार १४ गते अस्पताल भर्ना भएका थिए। हाल उनको स्वास्थ्यमा सकारात्मक सुधार देखिएको र अवस्था स्थिर रहेको उल्लेख गरिएको छ।
मन्त्री पौडेल हालै थाइल्यान्डमा आयोजित एक अन्तर्राष्ट्रिय कार्यक्रममा सहभागी भएर स्वदेश फर्किएपछि अस्वस्थ महसुस गरेपछि अस्पताल भर्ना भएका हुन्।
अस्पताल प्रशासनले पौडेलको स्वास्थ्य अवस्थाबारे नियमित अपडेट गरिने जनाएको छ।
प्रकाशित मिति: १६ असार २०८२, सोमबार
प्रतिक्रिया