काठमाडौं । कार्लोस अल्काराजलाई ४-६, ६-४, ६-४,६-४ ले हराउँदै शीर्ष वरीयताका जानिक सिनरले पहिलो पटक विम्बल्डन टेनिसको उपाधि जितेका छन्।
इटालीका खेलाडी सिनर ३५ दिन अघि भएको फ्रेन्च ओपनको फाइनलमा तीनै अल्काराजसँग पराजित भएका थिए। सो फाइनलमा दुई सेटका अग्रताको बाबजुद सिनरले पराजयको सामना गरेका थिए। अल्काराजले तीन पटक च्याम्पियनसिप प्वाइन्ट समेत जोगाएका थिए।
सिनरले यो सफलता जीवनकै एउटा ठुलो सपना भएको बताए। यसै वर्ष तीन महिना प्रतिबन्धपछि फर्किएका सिनरको यो चौथो ग्रान्ड स्लाम उपाधि हो। साथमा उनको यो हार्ड कोर्ट बाहिरको पहिलो ग्रान्डस्लाम उपाधि हो।
प्रकाशित मिति: ३० असार २०८२, सोमबार
प्रतिक्रिया