काठमाडौं । काठमाडौँमा शनिबार बिहान भूकम्पको धक्का महसुस भएको छ । बिहान करिब ५ बजेर २६ मिनेट जाँदा भूकम्पको धक्का महसुस भएको हो ।
राष्ट्रिय भूकम्प मापन तथा सूचना केन्द्रका मुकुन्द भट्टराईले ग्लोबल नागरिकलाई दिएको जानकारी अनुसार बिहान ५ बजेर २६ मिनेटमा नुवाकोटको बेल्कोट केन्द्रबिन्दु बनाएर ५.३ रेक्टर स्केलको भुकम्प गएको हो।
गत साउन १५ गते खोटाङ केन्द्रबिन्दु भएर ६ म्याग्निच्यूडको भूकम्प गएको थियो ।
पछिल्लो समय पराकम्पभन्दा पनि नयाँ भूकम्प जाने क्रम बढेको छ । २०७२ सालमा गोरखाको बारपाक केन्द्रबिन्दु भएर ७.८ रेक्टर स्केलको ठूलो भूकम्प गएको थियो ।
प्रकाशित मिति: २१ श्रावण २०७९, शनिबार
प्रतिक्रिया