काठमाडौं । नख्खु कारागार प्रशासनले राष्ट्रिय स्वतन्त्र पार्टी (रास्वपा)का सभापति रवि लामिछानेसँगको भेटघाट स्थगित गरेको पार्टीले जनाएको छ।
रास्वपाका प्रवक्ता मनिष झाले कारागार प्रशासनले पूर्वनियोजित भेटघाट कार्यक्रम अचानक रोकेको जानकारी दिए। उनले भने, ‘नख्खु कारागार प्रशासनले सभापति लामिछानेसँगको भेटघाट गर्न दिने प्रक्रिया बन्द गरेको छ। त्यसअनुसार निर्धारित भेटघाट स्थगित गरिएको छ।’
रास्वपाको सचिवालय बैठक सोमबार बस्ने तय भएको छ। सो बैठकअघि सचिवालय सदस्यहरूले सभापति लामिछानेसँग भेटेर परामर्श गर्ने कार्यक्रम रहे पनि भेटघाट रोकिएपछि त्यो सम्भव नभएको रास्वपाले जनाएको छ।
प्रकाशित मिति: २३ भाद्र २०८२, सोमबार
प्रतिक्रिया