काठमाडौं । वर्तमान अन्तरिम सरकारमा सहभागी हुने तीनजनाको नाम राष्ट्रपति कार्यालय पुगेको जनाइएको छ ।
प्रधानमन्त्री भएको १०औँ दिन आइतबारसम्म मन्त्रिपरिषद्लाई पूर्णता दिन नसकेकी कार्कीले मन्त्री बन्ने तीनजनाको नाम राष्ट्रपति कार्यालयमा पठाइएको स्रोतले जनाएको छ।
उच्च स्रोतका अनुसार महावीर पुन, मोहना अन्सारी र जगदीश खरेलको नाम राष्ट्रपति कार्यालय पुगेको हो । पुनले शिक्षा, विज्ञान तथा प्रविधि मन्त्रालयको जिम्मेवारी लिने र खरेललाई सञ्चार तथा सूचना प्रविधि मन्त्रालयको जिम्मेवारी दिने टुंगो लागेको बताइए पनि अन्सारीले लिने मन्त्रालयको नाम भने खुलिसकेको छैन ।
कार्की नेतृत्वको वर्तमान मन्त्रिपरिषदमा रामेश्वर खनाल, कुलमान घिसिङ र ओमप्रकाश आर्याल मन्त्री छन् । खनालले अर्थ, घिसिङले ऊर्जा, भौतिक पूूर्वाधार र सहरी विकास तथा अर्यालले गृह र कानुन मन्त्रालको जिम्मेवारी सम्हालेका छन्।
प्रकाशित मिति: ५ आश्विन २०८२, आइतबार
प्रतिक्रिया